Goizeko Arreta-Zaintza - Servicio de Acogida Matinal

Guraso agurgarriak:

Goizeko Arreta-Zaintza Zerbitzuaren beharra ikusteko bidali genizuen inkestaren emaitzak aztertu ostean (nahiz eta familien % 25a bakarrik erantzun), datorren ikasturtean funtzionamenduan jartzeko eskaera nahiko daudela ikusi dugu.

Beraz, maiatzaren amaieran kontaktuan jarriko gara berriro zuekin eskaerak formalizatzeko, egindakoa ikerketa bat baino ez da izan eta.

ESKERRIK ASKO GUZTIOI. 

-------------------------------------------------------------------------------------------------------------------------

Estimadas familias: 

Una vez analizadas las respuestas recibidas en torno a la necesidad de un Servicio de Acogida Matinal, y aún cuando solamente el 25% de las familias ha dado una respuesta, hemos visto que la demanda para su puesta en marcha sería suficiente para que iniciase su funcionamiento en septiembre.

Por esta razón, es nuestra intención retomar el tema a finales de mayo con el objeto de formalizar las respuestas y hacer la solicitud de manera adecuada puesto que lo que hemos hecho no dejaba de ser un sondeo. 

MUCHAS GRACIAS A TODAS Y TODOS.

ESKOLA DIGITALAREN 3. TOPAKETAK

Topaketa hauek, HEIZE (BIHE-SAREAN) federazioa eta EHIGE konfederazioek, euskal eskola publikoaren digitalizazioan laguntzeko sortu genuen ESKOLA DIGITALA proiektuaren aspektu garrantzitsu bat dira. Argi daukagu Euskal Eskola Publikoak bere gogoeta propioa egin behar duela funtsezkoa den gai honi modu egokian heltzeko.

Topaketa hauen helburua Euskal Eskola Publikoak digitalizaziorantz egin behar duen ibilbideaz hausnartzea, ikastetxeen ezagutza digitala hobetzea, da eta era berean aurreko ikasturtean ospatutako II Topaketei jarraipena ematea. Batzuk hasi duzue zuen proiektu digitalen garapen prozesua, beste batzuk hastekotan zaudete eta badago azken bultzada behar duenik ere. Ikastetxeei egin beharreko bide hori egiten laguntzeko asmoz antolatu dugu III edizio hau.

Topaketok, hezkuntza arduradunen, zuzendaritza taldeen, IKT dinamizatzaileen, gurasoen, aholkularien, enpresen eta abarren topaleku izatea nahi dugu. Ikastetxe publikoen garapen digitalaren jasangarritasuna eta bideragarritasuna bermatu ahal izateko, denon ikusmira ezagutzea eta elkarlana sustatzea beharrezkoa da.

Ikuspegi horretatik, eduki anitzek osatuko dute topaketen egitaraua: agintarien hitzaldiak, adituen aurkezpenak, ikastetxeen esperientziak, enpresen proiektu pedagogikoak eta tailer didaktikoak, argitaletxeen material digitalen aurkezpena, ekipoen eta materialen erakusketak, eta abar entzuteko eta ezagutzeko aukera izango duzue parte hartzaileok. Hala ere, aurtengo edizioan bi aspektuei eman nahi izan diogu denbora-tarte garrantzitsu bat: irakasleon gaitasun digitalari eta eskola publikoen parte hartzeari eztabaida foroen bitartez.

Bestalde, ziur gaude topaketa hauen ondorioak ere oso lagungarriak izango zaizkizuela, baliabide digitalekin irakasteko-ikasteko egiten ari zareten berrikuntza-proiektuen garapen prozesuan. Horregatik, aurkezpenak eta beste zenbait material eskegiko zaizkizue topaketek amaitu ondoren.

OTSAILAREN 1EKO GOIZEKO SAIOA EUSKALTEL ARETOAN

OTSAILAREN 1EKO ARRATSALDEKO SAIOA EUSKALTEL ARETOAN

2017-2018 ikasturterako matrikula

Urtarrilaren 16an 2017-2018 ikasturterako matrikula egiteko deialdia argitaratu zen EHAOn. Horren arabera hilabete honetako 30ean irekiko da matrikula egiteko epea. Matrikulak, beti bezala, zuen seme-alabentzako aukeratu duzuen eskolan egin behar duzue eta bertan bigarren edo/eta hirugarren aukera eskatu dezakezue.


Gogoratu derrigorrezko dokumentazioa ekarri behar duzuela (gurasoen NANa, familia-liburuaren fotokopiak eta errolda ziurtagiria). Azken urteetan bezala, aukera dago ere matrikula on-line egiteko: kasu honetan epea otsailaren 2an bukatzen da, eskoletan berriz, otsailaren 3ean.


Honi buruzko informazio guztia, Zubeldiako web gunean daukazue, MATRIKULA atalean. Bertan prozesuaren gorabeherak argitaratzen joango gara.


Beste alde batetik, hil honetako 27an eta 31n etor zaitezkete eskola ezagutzera, goizean 10:15etan eta arratsaldean 15:15etan.


Anima zaitezte eta ETORRI ZUBELDIARA.

JANTOKIAN IZENA EMATEKO EPEA - EKAINA ETA 2016-2017

Urtero bezala, gaur, ikasturte honetan matrikulatuta dauden ikasleei, hurrengo ikasturterako eta ikasturte honen ekainean izena emateko fitxa eman diegu eta martxoaren 15era arte zabalik dago epea idazkaritzan itzultzeko, behin bete ondoren.
Orria ez ekartzekotan, jantoki zerbitzua ez duzuela nahi ulertuko dugu eta ez ekainean ezta datorren urtean ere ez da ikaslea geratuko.

-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o

Como todos los años, hoy hemos repartido al alumnado matriculado este curso la ficha para realizar la solicitud del comedor para este mes de junio y para el curso que viene. Tenéis de plazo hasta el 15 de marzo para entregarlo en Secretaría.
En caso de no devolver esta hoja, entenderemos que no quiere hacer uso del comedor por lo que no tendrá dicho servicio ni en junio ni durante el próximo curso.

2016-2017 ikasturterako matrikula

Astelehen honetan 2016-2017 ikasturterako matrikula egiteko deialdia argitaratu da EHAOn. Horren arabera hilabete honetako 25ean irekiko da matrikulatzeko epea.  Matrikulak, beti bezala, zuen seme-alabentzako aukeratu duzuen eskolan egin behar duzue eta bertan bigarren edo/eta hirugarren aukera eskatu dezakezue.

Gogoratu derrigorrezko dokumentazioa ekarri behar duzuela (gurasoen NANa, familia-liburuaren fotokopiak eta errolda ziurtagiria). Azken urteetan bezala, aukera dago ere matrikula on-line egiteko: kasu honetan epea otsailaren 4an bukatzen da, eskoletan berriz, otsailaren 5ean.

Honi buruzko informazio guztia, Zubeldiako web gunean daukazue, MATRIKULA atalean. Bertan prozesuaren gorabeherak argitaratzen joango gara.

Beste alde batetik, hil honetako 22an etor zaitezkete eskola ezagutzera, goizean 10:15etan eta arratsaldean 15:15etan.

Anima zaitezte eta ETORRI ZUBELDIARA. 

IRAILAko berriak

2015-2016 ikasturtean murgilduta gaudela, ongi etorria eman nahi dizuet Zubeldia Eskolako guztioi. Beti bezala, asko dira ikasturte honetarako izango ditugun erronkak, baina apurka apurka, guztiak gaindituko ditugula ziur nago.

Teknologia berriak erabili nahi ditugu estamentu guztien artean elkarren arteko komunikazioa erraztasunez lortzeko.

Hasteko gogoratu nahi dizuet BEKAK eskatzeko epea zabalik dagoela eta urriaren 2ra arte, idazkaritzan aurkeztu ditzakezuela. Ordutegia 9:15tik 10:00ak arte eta 12:15etik 13:00ra artekoa da. Honen inguruan lotura batzuk uzten dizuek argibideak lortu nahi izatekotan:

Hezkuntza SailekoInformazioa

Informazio orria

IRAKURTZEKO GOMENDATUTAKO LIBURUAK

ACEX programatik (Eskolako Liburutegia), negu honetarako liburu zerrendatxo bat prestatu du hainbat  izenburu irakurtzen ahokatzeko. Adin desberdinetarako eta euskaraz zein gaztelaniaz.

Klikatu hemen ikusteko liburu zerrenda.

2014-2015 ikasturterako hezkuntzarako dirulaguntak (BEKAK)

Hezkuntza Sailak ikasturte honetrarako hezkuntzarako dirulaguntak eskatzeko epea azaroaren 12era arte zabalik dagoela jakinarazi digu. Deialdia osoa EHAAn urriaren 22an argitaratu da. Hala ere, egutegi bat antolatu dugu prozesua errazteko asmoaz. Egutegia honakoa izango da:

Abizenak	Eguna
A-tik C-ra	astelehena 3
D-tik G-ra	asteartea 4
H-tik M-ra	asteazkena 5
N-tik R-ra	osteguna 6
S-tik Z-ra	ostirala 7

Oso garrantzitsua da ekartzea familia kide guztien NANaren zenbakia. 

Ordutegia bai hartzeko, bai emateko BAKAR-BAKARRIK, ondorengoa izango da:

Goizez : 9:15etik 10:00etara

Arratsaldez: 16:00tik 16:30etara

ESKAERA BERRIAK: Inprimakia goiko ordutegi barruan, etor zaitezkete hartzera, eta azaroaren 10etik 12ra, ekarri eskolara (ordutegi berdina).

Argibide guztiak Hezkuntzako web gunean daukazue, ondorengo loturetan:

EUSKARAZ <--------------------> GAZTELERAZ

EUSKARAZ BIZI NAHI DUT PORTUGALETEn

Portugaleteko Berbalagun Egitasmoak, Kontseiluak eta Portugaleteko Udalak, ekainaren 15ean, igandean, antolatu duten “EUSKARAZ BIZI NAHI DUT” lasterketara gonbidatu nahi zaituzte. Euskararen erabilera sustatzearen alde egingo den ekimen honetan edonork parte hartu ahalko du. Portugaleten lehenengoz egingo da “EUSKARAZ BIZI NAHI DUT” lasterketa.

Parte-hartzaileen adinari begirako bi irteera egongo dira:

- 12:00 (umeak) 1000 metroko distantzia

- 12:15 (helduak) 4 kilometroko distantzia

Irteera RIALIA MUSEOA dagoen zabalgunetik egingo da.

UMEAK: 2 euro - HELDUAK: 5 euro (Parte-hartzaileak ordainduko duena lasterketaren antolamendurako izango da).

Kamisetak salgai egongo dira (parte-hartzaileentzat merkeago) eta korrikalariek egiaztagiri bana jasoko dute.

Izena emateko, hurbildu euskaltegietara edo jo ezazu ondoko helbideetara:

alfre-e@aek.org – euskara@portugalete.org – xaribari@aek.org – euskal01@portugalete.org

Egunean bertan ere izena eman ahal izango da.

Kartela           Informazioa

KULTUR ASTEA - LEHENENGO PARTEA

Aurtengo Kultur Astea berezia izan da, ez hainbeste edukietan, baizik eta egun kopuruan. Aste Santuko oporretatik itzultzen ginela eta Maiatzaren 1eko zubia zegoela, aprobetxatu dugu  hiru eguneko tarte hori Kultur Astearen lehengo zatia ospatzeko. Beti bezala argazkiak ipini ditugu gure web orrian eta beheko loturan ikus ditzakezue.

Badaude bideoak ere, baina apurka apurka joango gara jartzen, aurretik bildu behar baitugu.

-        Hiru egunetako programa.

-        Argazkiak

Maiatzaren bukaeran bigarren partea izango dugu eta aurrerago kontatuko dizuet.

Inauteriak 2014

... eta bigarren urtez jarraian. Hainbeste urte jarraian jaisten Portugaleteko kaleetatik, hiriko inauteriei hasiera ematen, aurten ere euriak ez digu utzi bajada egiten. Hala ere gure mozorroekin Azokaraino jaitsi gara, eguraldiaren tregua bat aprobetxatuz eta bertan txokolatea bizkotxoekin hartu dugu, dantza nekatu gabe… Hori guztia gure argazki albumean duzue ikusgai. Horretarako ondorengo loturan klikatu

Apurka apurka, argazki gehiago sartuko ditugu.

Inauterietako argazkiak. 

TXIRRINGA ESKOLAN

Atzo astelehena otsailaren 17an, 6. mailako ikasleak eta Gorputz Hezkuntzako maisua, Javier, Los Llanos aldera joan ziren “Txirringa Eskolan” elkarteak antolatzen dituen ekintzetan parte hartzera.

Bertan, txirringan ibiltzerakoan hartu behar diren segurtasun neurriak, kaletik errespetatu behar diren arauak eta abar ikasi eta praktikatu zituzten.

Eskolako Ikasturteko ekintzetan jarrita daude argazkiak, edo bestela beheko marrazkian klikatu zuzen joateko.

Agate Deuna

Aintzaldun daigun Agate Deuna

bihar ba da Deuna Agate

etxe honetan zorion hutsa

betiko euko al dabe.

Deuna Agatena batzeko gatoz

aurte be igazko berberak

igaz lez hartu gagizuez ta

zabaldu zuen sakelak.

Orain ba goaz alde egitera

agur daitzuegu gogotik

Agate Deuna bitarte dala

ez eizue izan kalterik.

Bertso hauekin atera gara kalera inguruko auzoko jendeari ohartarazteko bihar Agate Deuna dela.

Behean dagoen loturan egun honetako argazkiak ikusi ahal dituzue.

“AGATE DEUNA” ARGAZKIAK

2013-2014 ikasturteko ekintzetako argazkiak eta bideoak

MATRIKULAK 2014-2015 IKASTURTERAKO.

Eusko Jaurlaritzako Hezkuntza sailak jakinarazi digu 2014-2015 ikasturterako matrikulen inguruko informazioa EHAAn (BOPV) argitaratu duela, 2014ko urtarrilaren 9koan hain zuzen ere.

Gogoratu, betiko moduan bi asteko epea dagoela eta matrikula eskolan bertan egiten dela, Hezkuntzako Aplikazio baten bidez, eta dokumentazio guztia ekarri behar dela prozesua errazteko.

Informazio guztia, ohi denez, gure web orrialdean dago, edo bestela beheko lotura jarraituz.

Gogoratu ere, gure eskola ikusi  eta ezagutu nahi baduzue, urtarrilaren 31ean, zuen zain egongo garela erakusteko, goizean 10:15etan eta arratsaldean 15:15etan.

Matrikula argibideak.

OLENTZERO EGUNA

Ostiral honetan, Abenduaren 20an, OLENTZERO EGUNA ospatuko dugu.

OLENTZERO Haur eta Lehen Hezkuntzako umeekin egongo da, jarraian, 11:OOak aldera, eta eguraldiak aukera ematen badigu, abestera aterako dira eta ibilbidea hauxe izango da: Haur Hezkuntzan, San Roque plazan, Peatonalean eta Kriston.

IKASLE GUZTIAK, BASERRITARREZ EDO ARRANTZALEZ JANTZITA ETORRIKO DIRA.

Ordutegia 9:00etatik 14:00etara izango da (baina zuek nahi izatekotan eta jakin araztekotan 13:00etatik aurrera atera ahal izango dira), BERAZ ARRATSALDEAN EZ DAGO KLASERIK.

Jantokira doazenak betiko ordutan abiatuko dira monitoreekin eta 14:00etatik aurrera har daitezke, INOIZ EZ 15:00 BAINO GEROAGO.

Zuen seme-alaba jantokian ez gelditzea erabakitzekotan, bihar bertan eman abisua mesedez, janaria alferrik ez galtzeko.

ZORIONAK ETA URTE BERRI ON !!

URTARRILAREN 7AN ELKAR IKUSIKO DUGU BERRIRO.